Alda: funtsezkoena
2020ko udazkenean sortua, Alda jendarte herrikoietako jendetza, familia eta pertsonen interes eta xedeak defendatzen dituen elkartea da.
Sakonki errotua lurraldean, Alda elkartea beren eskubideen defendatzeko antolatu nahi dutenei zuzentzen da. Irabazi eta laguntza nahikoentzat, eskuragarriak, sanoak, ongi isolatuak diren etxebizitzentzat, babestuak eta ongi bizitzeko egokiak diren auzo eta ingurumenarentzat, kalitatezko zerbitzu publikoentzat, enpleguen lortzeko ber sarbideentzat, bai eta ere osagarri, elikadura sano eta tokikoa, hezkuntza, kultura, kirol, mugikortasun eta aisaldientzat, eta, kontsumitzaile eta erabiltzaile eskubideentzat: Aldaren helburua, jendeei beren ahalaren berreskuratzea ahalbidetzea da, eta beren bozaren entzunaraztea.
Botere publiko eta politiko orotarik independentea den Aldak munduan zehar eta Euskal Herrian iragan borroketarik inspiraturiko bortizkeriarik gabeko ekintza moldeak erabiltzen ditu. Bere ibilmoldea herritarren antolakuntzan bakarrik finkatzen da, zeren Aldaren desafioa ideia gako baten gainean bermatzen da: elkarrekin, indar alimalea gira!
Alda zehazki
zer den:
Inkesta bat
Hainbat hilabetez, elkarteko laguntzaileak biztanleen gana joanen dira, haien entzuteko eta haien arazo eta galdeen ezagutzeko.
Ekintza zehatzak
Hainbat pertsona ber injustiziataz hunkituak direlarik, kolektiboki antolatzen gira, egoera alda dadin.
Antolatzaileak
Gure laguntzeko eta antolatzeko prest, borroka baten eramaiten eta irabazten jakiteko, gure arazo eta galdeen ezagutarazteko komunikatzen jakiteko, bilkura eraginkorren animatzeko.
Abokatuak
Injustizia pairatzen duten biztanle kolektiboei arlo juridikoan beren defendatzeko edo atakatzeko ahala ukan dezaten.
Aldizkari bat
Auzoetan urririk zabaldua, gure eguneroko arazoetaz eta haiei aterabideak atxemaiteko moldeetaz ari da.
Formakuntzak
Jakintza ukaitea, ahala ukaitea da! Auto-formakuntza saioak antolatzen ditugu gure eskubideen bai eta haien defendatzeko beharrezkoak diren tresna guzien ezagutzeko.
Gune bat
Elkarretartzeko,
informatzeko, trukatzeko:
Cordeliers karrika 20,
64100 Baiona.
Zuk ere,
Aldarekin ekin
Aldak ez du finantzamendurik onartzen, gobernutik, enpresetarik edo alderdi politikoetarik.
Soilik bere kideen sustenguak dizkio bere ekintzen egiteko ahalak emaiten
Aldaren ibilmoldea
Administrazio Kontseilua
Magali Etcheverria
Ainize Butron
Aurelien Carrodano
Emma Tosini
Malika Peyraut
Nerea Peponnet
Txetx Etcheverry
